घ . नि , ४ उद्देश

:

मराठी भाषा व साहित्य यांच्या सर्वांगीण प्रगतीसाठी व विकासासाठी प्रयत्न करणे , मराठी भाषा व साहित्य यांच्या अभ्यासास उत्तेजन देणे , मराठी वाचकांची वाङ्‌मयीन अभिरुची वृद्धिंगत करणे आणि मराठी साहित्यिकांच्या हितासाठी व कल्याणासाठी झटणे हे परिषदेचे उद्देश आहेत.

घ . नि , ८ (अ)

:

परिषदेचे उद्देश ,घटना व नियम मान्य असलेल्या १८ वर्षांवरील कोणाही व्यक्तीला संस्थेचे सभासद होता येईल.

घ . नि , ८ (इ)

:

सभासत्वाच्या अर्जावर सूचक आणि अनुमोदक म्हणून परिषदेच्या कोण्त्याही २ (दोन) आजीव सभासदांच्या सह्या असणे आवश्यक आहे.

घ . नि , ८ (ए)

:

अर्ज मिळाल्यापासून एक महिन्यात सभासदत्वाबद्दल अर्जाचा निर्णय अर्जदारास कळविण्यात येईल.

घ . नि , ८ (ऎ)

:

वार्षिक साधारण सभासदांनी दरवर्षी एप्रिल ते जुलै या काळात वर्गणी भरावयाची आहे. जुलैअखेरपावेतो वर्गणी न आल्यास सभासदत्व आपोआप रद्द होईल.

घ . नि , ९ हक्क

:

सर्व सभासदांना परिषदेचे 'म . सा . पत्रिका' हे त्रैमासिक विनामूल्य पाठविण्यात येईल . पंचवार्षिक निवडणुकीत मतदानाचा किंवा उभे राहण्याचा हक्क राहील , ब . भा . म . सा . मंडळाच्या संमेलनाचे प्रतिनिधी होता येईल , ग्रंथालयाचा वा अतिथीगृहाचा नियमांनुसार लाभ घेता येईल .

महाराष्ट्र साहित्य परिषदेच्या सध्याच्या घटनेची प्रत कार्यालयात विकत मिळू शकेल .

(देणगी मूल्य रु.१०/- फक्त)